Giorgio Baffo

No per veder el popolo romano,
No per veder el papa e i gardenali,
No per veder i so' cerimoniali,
No per veder San Piero in vatican,

No per veder la gran Mole d'Adrian,
No per veder i archi trionfali,
No per veder le chiese e i ospedali,
No per il Culiseo de Vespasian,

No per veder le Terme Dioclezianne,
No per veder la principal tribuna,
No per veder le gulie e le fontane,

No per veder le statue una ad una,
Ma per veder el cul de le Romane,
Del Gustinian invido la fortuna.

NEL'ELEZION DEL'AMBASCIADOR GUSTINIAN, Giorgio Baffo (1694 -1768)